Arbeiðstøkutrygd
Hevur tú ætlanir um at byggja um, byggja uppí ella kanska byggja nýtt? Ella skal orkuskipanin skiftast? So er umráðandi at tekna Arbeiðstøkutrygd, áðrenn tú fert í gongd.
Tryggingin er neyðug bæði, tá tú sjálv/ur stendur fyri arbeiðinum, og tá ið fyritøkur gera arbeiðið fyri teg.
Vanliga sethúsatryggingin tekur nemliga ikki við, um skaði stendst av, at tú ert í holt við bygging ella umvæling. Og í nógvum førum kann fyritøkan ikki lastast fyri, at skaði hendir undir arbeiðinum.
Tá ið tú skalt byggja um ella byggja nýtt...
Vanliga sethúsatryggingin fevnir ikki um skaðar á tína egnu ogn ella á annansmans ogn, um skaði hendir undir arbeiði. Og sum eigari av ogn, har jarðhitahol verður borað ella annað arbeiði verður gjørt, kanst tú ábyrgdast fyri møguligar skaðar, sum henda á grannaognir.
Arbeiðstøkutrygd má verða teknað, áðrenn arbeiðið verður sett í gongd.
Møguliga hugsar tú, “hvat kann henda?”. Men vit hava sæð, at skaðarnir kunnu vera stórir og dýrir at umvæla.
Hent at vita
Dømi um skaðar
- Um tú ert í gongd við at byggja um, er stórur vandi fyri at missa eitthvørt, sum elvir til skaða á gólv, borð, vegg ella á mista lutin sjálvan.
- Um tú skiftir køk, kann dýra borðplátan støkka, tí tú missir eitt amboð á hana.
- Um tú skiftir tak, og tú missir eina takplátu, ella ein takpláta fer við vindinum, kann tað elva til stóran skaða á hús ella bil hjá tær sjálvum ella hjá grannanum.
- Um tú leggur gólvhita, kunnu rør støkka sundir og elva til stóran vatnskaða.
- Um tú skiftir til jarðhita, verða stórar maskinur nýttar til jarðhitaboring, og tá maskinurnar koma í túnið ella garðin, er vandi fyri at tær elva til skaða á tún, garð, sethús ella annað. Um skaðin er hendiligur, hevur eigarin av maskinuni í nógvum førum ikki endurgjaldsábyrgd.
- Tá jarðhitahol verður borað, kunnu smáir jarðskjálvtar standast av broytingum í undirgrundini. Tá kunnu stórir skaðar koma á bygningar og lutir á tíni ogn – ella á ogn hjá grannanum.
- Væta, grugg og eyrur kunnu sprutta ella renna úr jarðhitaholinum í nærliggjandi ristir. Tá kunnu ristirnar tippast, soleiðis at vatn ikki fær runnið frá til dømis í sambandi við glopraregn; tá er skjótt at skaði kemur á tíni ella onnur hús. Tá kanst tú, sum eigari av boraða holinum, ábyrgdast fyri møguligan vatnskaða á ogn hjá grannanum og tær sjálvum.
Góð ráð, áðrenn tú fert undir at skifta orkuskipan
- Oljutangin skal burturbeinast. Minst til at tøma hann, áðrenn arbeiðið byrjar.
- El-arbeiðið skal gerast, áðrenn nýggja orkuskipanin verður tikin í nýtslu. Tá er umráðandi, at transientverja verður installerað, soleiðis at tú í mest møguligan mun fært vart teg fyri yvir- og undirspenningi í streymveitingini.
- Skorsteinurin skal takast burtur. Minst til, at sethúsatryggingin dekkar ikki, um skaðar standast av tí arbeiðinum.
Vilt tú tekna Arbeiðstøkutrygd? Upplýsingar, sum vit mugu fáa frá tær
- Hvussu stór er samlaða íløgan – hvat kostar alt arbeiðið ella umvælingin?
- Hvussu langa tíð væntar tú, at arbeiðið tekur frá byrjan til enda?
- Hvør skal gera arbeiðið?
