Ferðatrygd
Við eini ferðatrygd fært tú endurgjald, um okkurt antin tarnar ella oyðileggur tær ferðina. Vit hava røttu tryggingina til tín, annaðhvørt tú ferðast ofta ella sjáldan.
Við okkara Ferðatrygd kanst tú velja ímillum Evropa og allan heim, alt eftir hvagar leiðin gongur.
Tryggingin tekur við, um tú eitt nú
- Verður sjúk/ur á ferðini
- Mást avlýsa ferðina orsakað av sjúku
- Skalt til viðgerð ella hava heilivág orsakað av skaða á ferðini
- Missir viðførið, ella tað verður seinkað á ferðini
- Verður fyri stuldri á ferðini
Seinkað viðføri
- Viðføri skal vera seinkað meira enn 5 tímar fyri at endurgjald fæst
- Endurgjaldið er kr. 1.200 pr. dag, tó í mesta lagi kr. 4.800 pr. persón
- Men skal senda váttan um seinkanina frá flutningsfelagnum til Trygd
- Endurgjaldið hjá einum tryggjaðum ferðalagi kann tó ongantíð samlað verða hægri enn kr. 9.600 fyri hvørja seinking.
Góð ráð til ferðina
-
Kanna, um tryggingin fevnir um tað landið, sum tú skalt til
-
Hav talgilda ferðakortið hjá Trygd á telefonini
-
-
Ferðast tú við bili, minst so til, at tað hevur týdning fyri møguligt endurgjald, at bilurin hevur verið læstur, tá ið stuldurin fór fram, og at lutirnir ikki hava verið sjónligir uttanífrá.
-
Um tú fert uttanlands við húsvogni, og hesin hevur Skrokktrygd frá Trygd, so skalt tú eisini hava reyða tryggingarkortið við á ferðini.
-
Um okkurt verður stolið á ferðini, minst so til at boða løgregluni á staðnum frá hesum.
-
Um tú verður sjúk/ur á ferðini, minst so til at ringja til lækna beinanvegin, tí endurgjaldið fevnir bara um tað, sum stendur í eini læknaváttan.
-
Um skaðin er hendur, minst so til, at tú altíð kann ringja til Gouda og fáa holla vegleiðing. Telefonnummarið hjá Gouda er +45 44 25 81 00.
Ofta settir spurningar
Hvønn dekkar tryggingin?
Tú og títt húskið eru fevnd av tryggingini. Húskið merkir øll tey, sum eru fastbúgvandi á sama bústaði sum tú.
Hvat kostar tryggingin?
Tað veldst um tín tørv, og hvagar leiðin gongur. Tú ert altíð vælkomin at ringja til okkara, og so kunnu vit saman finna røttu loysnina til tín.
Hvørji lond fevnir tryggingin um?
Um tú velur Ferðatryd fyri allan heimin, fevnir tryggingin um ferðir til øll lond í heiminum. Velur tú Ferðatrygdina fyri Evropa, fevnir tryggingin um øll lond í Evropa. Her kanst tú síggja ein lista við teimum londunum, sum tryggingarnar fevna um.
Manglar eitt aktivt leinki til yvirlitið
Nær skal eg keypa ferðatrygd?
Ferðatryggingin skal keypast, áðrenn tú fert avstað. Tað er skilagott at kanna, um ella hvørja trygging tú hevur, og hvat hon fevnir um.
